تسمحى لى يا صبية
يا أم طرحة وجلابية
انى احبك وابقى جنبك
واسكن الفاضل فى قلبك
واستريح فوق كتافك
لحظة الضمة الهنية
افتحى حضنك تعالى
شاورى بالنور الملالى
هتلاقينى جاى بجرى
والحنين اكتر مافيه
والسعادة مدارية
فى اللقا بعد المشقة
ويا أشواقى هدية
ما انت برضه يا صبية
سرك الباتع بيسحر
ببقى جنبك شئ مخدر
ع البعاد
انا مش راح اصبر
تسمحى لى انى اجيلك
تحت توتة عند نيلك
اسمعك ولا اشتكيلك
ولا الم الناس واعبر
ع اللى ساكن جوا منى
واطلع المدنة واكبر
وانت تقفى فوق كفوفى
ترسمى دايرة طوافى
يا فراشة ماسكة فرشاة
بينى حسنك يا عنبر
للى مش عارف حكايتك
واللى بيلومنى فى عشقك
واللى زايد بعده عنك
والله حبك شى يحير
عاشق التوب المزهزه
اللى فيه الزرع الاخضر
ولا بحر الحب يجرى
ولا نبع الكنز الاحمر
اللى بيه الخلق تشهد
لما تيجى الشدة يظهر
ولا ايه السر فيكى
واللى خلانى فى ايديكى
زى خاتم وانت تؤمر
يا جميل الخد يا اسمر
ما انت عارف انى برضه
مش بغير لو حبك اكتر
منى واحد ولا مية
رغم انك بس عشقى
واللى باقى فى عمرى سكر
لو نسيتى كل غلطة
كدرت قلبك وعكر
فى الجداول والخمايل
تلقى قلب وقاسمه خنجر
تلقى اسمى جنب اسمك
والكسوف ماهوش مقدر
انى اسيب اسمك واسمى
واختصر حرفك وحرفى
نفسى كل الناس تحبك
نفسى كل الناس تقدر
معناة الاسم المجلجل
حتى جوا عشة ضلمة
عند اخر ناس بتسمع
حتى لو كانت بعيدة
برضه حبك مادد ايده
حتى لو م الجان هيحضر
المزاج
