~*¤ô§ô¤*~ منتدى مملـــكة الرومانســـية ~*¤ô§ô¤*~



 
الرئيسيةالتسجيلدخول

شاطر | 
 

 اجمل قصائد الابنودى مكتوبه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حٺۈيڪ برۈحي
نجمه المنتدى
نجمه المنتدى
avatar

عدد المساهمات : 38
تاريخ التسجيل : 24/05/2012
العمر : 27
الموقع : ..............

مُساهمةموضوع: اجمل قصائد الابنودى مكتوبه    الخميس يونيو 07, 2012 2:24 pm














[center]








[center]
ياعنكبـــوتة

********

يا عنكبوتة كملي عشك

لا حد حيزيحك

ولا يهشك

لمي مهاجرينك

وثبتي دينك

اتمطعي

وخدينا في وشك

بلاد بلا عزة

ممكن تجيبي اجلها من هزة

بلا ضفة

بلا غزة

بالدم رشي اللي بماء رِِشك

وكملي عشك

لمي مهاجرينك

ولو ملايين

يا عنكبوتة

احنا مش فاضيين

مدي الخيوط خيط خيط

واكسي كل الحيط

نامي بأمان

واتمطعي بفرشك

من وشنا ما بنسمعوش وشك

لمي مهاجرينك

وتعاليلي

لا تهم تباريري وتعاليلي

انا في الخلا بنفخ شعاليلي

واوزن قوافي وتفاعيلي

اغش نفسي وعمري ما اغشك

واحش روس اهلي ولا احشك

حتعيشي ابد الدهر

حتوحديها انتي نهر ونهر

نشي اللي ما قدروش على نشك

انا زي ما بعت السنين الخرس

ورضيت بربع الربع خمس الخمس

مجاني حوهبلك عيون القدس

مين اللي سألك تتركي عرشك؟

طب دحنا خدامك

في النوم بنوحيلك باحلامك

واحنا اللي بنحققها قدامك

اسف..

سكوتي ربما دوشك!

فتربصي بينا ولا يهمك

دمنا فدى دمك

وبعترينا واحنا بنلمك

ولو تحاصرك الامم

ويكتفوكي بالتهم

احنا سبيلك للخلاص في الكون

لما تضيق ..

دايما بيطلع مننا مجنون

يهتف يعيش صهيون

ونغش بعضينا ولا نغشك

بالعكس

بندلع

وبنهشك

ناكل في بعض

فيتملي كرشك

وقرشنا بثانية يصير قرشك

يا عنكبوتة

انتي

وزعيقنا

واصواتنا

ودم احياءنا وامواتنا

هدي عشوشنا

وكملي عشك

لا حد حيزيحك

ولا يهشك

لا حد حيزيحك

ولا يهشك




القلب الاخضرانى


أنا كل ماأجول التوبة يا بوي
ترميني المجادير ياعين
وحشاني عيونه السوده يا بوي
ومدوبني الحنين يا عين
*******
متغرب والليالى يا بوي
مش سايباني في حالي يا عين
والرمش اللي مسهرني يا بوي
ضيعني وأنا كان مالي يا عين
أنا كل ما أجول التوبة يا بوي
ترميني المجادير ياعين
وحشاني عيونه السوده يا بوي
ومدوبني الحنين يا عين
********
يا رموش قتاله وجارحه يا بوي
وعيون نيمانه وسارحه ياعين
أد يكى العمر بحاله يا بوي
واديني انت الفرحة يا عين


*******

أنا كل ما أجول التوبة يا بوي
ترميني المجادير ياعين
وحشاني عيونه السوده يا بوي
ومدوبني الحنين يا عين
********
القلب لأخضرانى يابوى
دبلت فيه الأغانى ياعين
ولا قادر طول غيبكم يا بوي
بشرب من بحر تاني يا عين
أنا كل ما أجول التوبة يا بوي
ترميني المجادير ياعين
وحشاني عيونه السوده يا بوي
ومدوبني الحنين يا عين
********
أنا كل ما أجول التوبة
ترميني المجادير
********
******




يــا منـة
...........
والله وشبت ياعبد الرّحمان
عجّزت ياواد ؟
مسرع..؟
ميتى وكيف ؟
عاد اللى يعجّز
فى بلاده
غير اللى يعجّز ضيف.
هلكوك النسوان؟
شفتك مره فى التليفزيون
ومرّه ورّونى صـــــــــــــــورتك فى
الجورنان
قلت:كبر عبد الرحمان !!
أمّال أنا على كده مت
بقى لى ميت حول.!!
والله خايفه ياولدى القعده تطول .
مات الشيخ محمود
وماتت فاطنه أب قنديل.. واتبـــاع
كرم اب غبّان!!
وانا لسّه حيّه وباين حاحيّا كمان
وكمان ..!!
عشت كتير
عشت لحد ماشفتك عجّزت ياعبد
الرحمان .
وقالوا لى قال: خلّفت
وانت عجوز خلّفت ياخــــوى؟
وبنات؟
أمّال كنت بتعمل ايه طيلة العمر
الفات ؟
دلوقت مافقت؟
وجايبهم دلوك تعمل بيهم ايه ؟
على كل أهى ريحة من ريحتك ع
الارض
يونسوا بعض
ماشى ياعبد الرحمان!!
أهو عشنا وطلنا منّك بصّه وشمّه
دلوك بس مافكرت فى " يامنة"
وقلت:ياعمة؟!
حبيبى انت ياعبد الرحمان..
والله حبيبى وتتحب
على قد ماسارقاك الغربة
لكن ليك قلب
مش زى ولاد الكلب اللى نسيونا
زمان.
حلوه مرتك وعويلاتك ؟
والاّ شبهنا..؟
سمّيتهم ايه؟ قالوا لى"" أية ونور"
ماعارفش تجيب لك حتة واد ؟
والاّ أقولك :
يعنى اللى جبناهم
نفعونا فى الدنيا بأيه..؟
غيرش الانسان مغرور..!!
ولسّه يامنه حاتعيش وحتلبس
لمّا جايب لى قطيفه وكستور؟
كنت اديتهمنى فلوس
اشترى للركبه دهان
أبا..ى ما مجلّع قوى ياعبد
الرحمان.
طب ده انا ليّا ست سنين
مزروعه ف ضهر الباب
لم طلّوا عليّا أحبّه ولا الاغراب
خليهم.
ينفعوا .
أعملهم أكفان..!!
كرمش وشّى ..
فاكر " يامنه" وفاكر الوش؟
أوعى تصدّقها الدنيا
غش ف غش.!!
اذا جاك الموت يا وليدى موت على
طول
اللى اتخطفوا فضلوا أحباب
صاحيين فى القلب كان ماحدش
غاب
واللى ماتوا حته حته
ونشفوا حيين
حتى سلامو عليكم مش بتعدى
من بره الاعتاب.
اول مايجيك الموت افتح
اول ماينادى عليك اجلح
انت الكسبان
اوعى تحسبها حساب..!!
ولا واد ولا بت
ده زمن يوم مايصدق.. كداب.
سيبهالهم بالحال والمال وانفد.
اوعى تبص وراك..
الورث تراب
وحيطان الايام.. طين
وعيالك بيك موش بيك عايشين.!!
يو...ه يا" رمان"
مشوار طولان
واللى يطوله عن يومه ياحبيبى
حمار.
الدوا عاوزاه لوجيعة الركبه
مش لطولة العمر
اوعى تصدق الوانها صفر وحمر
موش كنت جميله ياواد ؟
مش كنت وكنت؟
وجدعه تخاف منى الرجال؟
لكن فين شفتونى؟ كنتوا عيال
بناتى (رضيّة) و " نجيّه "
وماتوا وراحوا وانا اللى قعدت
طيّب يازمان
اوعى تعيش يوم واحد بعد عيالك
اوعى ياعبد الرحمان
فى الدنيا وجع وهموم أشكال والوان
الناس مابتعرفهاش
أوعرهم لو حتعيش بعد عيالك ما
تموت.!!
ساعتها بس .. هتعرف ايـــــــه هو
الموت!!
اول مايجى لك نطّ
لسه بتحكى لهم بحرى
حكاية فاطنه وحراجى القط؟
اباى ماكنت شقى وعفريت
من دون كل الولدات.
كنت مخالف.. برّاوى
وكنت مخبى فى عينيك السحراوى
تمللى حاجات
زى الحدّايه تخوّى ع الحاجه
وتطير
من صغرك بضوافر واعــــــــره
ومناقير
بس ماكنتش كداب.
وادينى استنيت فى الدنيا
لما شعرك شاب
قدم البيت
اتهدّت قبله بيوت وبيوت
وأصيل هوّه... مستنينى لما أموت
حتيجى العيد الجاى؟
واذا جيت حتجينى لجاى ؟
وحتشرب مع يامنّه الشاى؟
**********
حاجى ياعمّه... وجيت
لا لقيت يامنه ولا البيت ..!!



































[/center]
[/center]
الرجوع الى أعلى الصفحة اذهب الى الأسفل
احمد جعفر النجار
نائب المدير
نائب المدير
avatar

عدد المساهمات : 1133
تاريخ التسجيل : 21/08/2011
العمر : 31
العمل/الترفيه : مدرس با لتربيه والتعليم
المزاج المزاج : الحمد لله تمام

مُساهمةموضوع: رد: اجمل قصائد الابنودى مكتوبه    الجمعة يوليو 06, 2012 12:26 pm

طرح مميز ورائع
دمتٍ بهذا الابداع
ودي ,,

ـــــــــــــــــــــــــــــــــــــــــــــــ التوقيع ــــــــــــــــــــــــــــ



اللهم اجعل وفاتي في صلاتي بين سجدة وتسبيح وركوع
واجعل آخـر كلامي في حياتي لفظ قول الشهادة في خشوع
الرجوع الى أعلى الصفحة اذهب الى الأسفل
ابو حمادة
كبار الشخصيات
كبار الشخصيات
avatar

عدد المساهمات : 191
تاريخ التسجيل : 18/06/2012

مُساهمةموضوع: رد: اجمل قصائد الابنودى مكتوبه    الجمعة يوليو 06, 2012 4:08 pm


ـــــــــــــــــــــــــــــــــــــــــــــــ التوقيع ــــــــــــــــــــــــــــ

الرجوع الى أعلى الصفحة اذهب الى الأسفل
محمود حمادة ابوحجازى
مؤسس المنتدى
مؤسس المنتدى
avatar

عدد المساهمات : 943
تاريخ التسجيل : 15/08/2011
العمر : 22
الموقع : مصر
العمل/الترفيه : مدير منتدى مملكة الرومانسية
المزاج المزاج : تمام الحمد لله

مُساهمةموضوع: رد: اجمل قصائد الابنودى مكتوبه    الأحد أغسطس 12, 2012 3:35 pm


ـــــــــــــــــــــــــــــــــــــــــــــــ التوقيع ــــــــــــــــــــــــــــ
المنتدى منتداكم انشا لكم فحافظوا معنا على الرقى به










الرجوع الى أعلى الصفحة اذهب الى الأسفل
http://almamlaka.hooxs.com
محمدعبده ابوالروس
المشرف المميز
المشرف المميز
avatar

عدد المساهمات : 387
تاريخ التسجيل : 12/07/2012
العمر : 31
العمل/الترفيه : مدرس حاسب الى
المزاج المزاج : رااااااااااااااااااااايق

مُساهمةموضوع: رد: اجمل قصائد الابنودى مكتوبه    الإثنين أغسطس 13, 2012 2:53 am


ـــــــــــــــــــــــــــــــــــــــــــــــ التوقيع ــــــــــــــــــــــــــــ
الرجوع الى أعلى الصفحة اذهب الى الأسفل
 
اجمل قصائد الابنودى مكتوبه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
~*¤ô§ô¤*~ منتدى مملـــكة الرومانســـية ~*¤ô§ô¤*~  :: قسم الادب والادباء :: منتدى الشعر والخواطر-
انتقل الى: