بنقول سلميه

موضوع: بنقول سلميه الثلاثاء سبتمبر 13, 2011 4:29 am

من يوم 25 يناير واحنا بنقول سلميه
انضربنا واتعذبنا واتكهربنا وقلنا سلميه
اتقتل منا قرابه 1000 شهيد ولسه بنقول سلميه
...اتعمى واتصاب قرابه 10000 مصرى وقلنا سلميه
اتحاكمنا عسكريا واتسجنا ولسه بنقول سلميه
كشفوا على عزريه البنات وقلنا سلميه
اتسحلنا امام السفاره اليهوديه وقلنا سلميه
اعضاء الحزب الوطنى اللى دمروا بلدنا عملوا احزاب ونازلين الانتخابات وبردو بنقول سلميه
احب اقولكم ان سلميه ماتت
قتلها المجلس العسكرى باصراره على عدم التطهير
قتلها بحمايه لضباط الشرطه القتله اللى أخدوا ترقية وزود رواتبهم
قتلها بمحاكمه الثوار عسكريا
قتلها بالمماطله فى القصاص لدم الشهداء
قتلها بحمايته لسوزان مبارك اللى اعترفت بسرقه 24 مليون جنيه
قتلها لما ضيع فلوسلنا .وليبيا رجعت فلوسها فى 24 ساعه
قتلها لما تستر على رموز النظام بالكامل لمده شهرين ونص هربوا فيها الفلوس وفرموا كل دليل يدينهم
قتلها لما عمل قوانين للانتخابات على مزاجه وجبلنا نفس اللجنه اللى زورت انتخابات 2010 تشرف على الانتخابات مره تانيه
هى سلميه دى ايه بسبع ارواح
وحتى لو كانت بسبع ارواح كان لازم تموت
مش معقول يفضل يستغبانا ويضربنا واحنا نفضل نهتف سلميه الى مالا نهايه
صحيح اننا بهرنا العالم واحنا بنهتف سلميه
لكن مش عقول نهتف سلميه لغايه ما العالم كله يضحك علينا
فاضعف الايمان ان ندافع عن انفسنا اذا اعتدى علينا
يجب ان يعلم الجميع ان سلميه .....ماتت

بنقول سلميه 297535_213539435372223_147538355305665_591463_834629608_s