حــــازم بيهدى النفوس

حــــازم بيهدى النفوس

اكيد لو سألت اي بنت فارقت حبيبها ...هتقولك حاجة من الاتنين...يا اما انه كان انسان كويس و كان نفسها تكمل معاه بقيت حياتها بس الظروف و الجوابات و القسمة و النصيب وكده..

يا اما هتسب وتلعن فيه و في اللي جابوه...و كان خاين وابن كذا..وبيتسلي ..و ربنا ان شاء الله هيرزقني باحسن منه..اللي يفهمني... ويقدرني..و هو هيلاقي احسن مني فين؟؟؟؟

انا بقي هاتكلم عن اللي بيتشتم...مش شرط علي فكرة يكون ظالم..بس برضو من حق البنات تعرف وجهة نظر الشباب في بعض الامور..لعلها تفهم احنا ساعات بنشوف الحاجات ازاي

بص يا سيدي..اي علاقة من اللي قلت هاتكلم عنهم بتمر ب 4 مراحل..

المرحلة الاولي..التعارف والنظرات..و الاعجاب..و الكسوف ..و الكلام ده..يعني لو قلتلها تاكلي حاجة؟؟..تقولك ميرسي مش بحب اكل في الشارع..طب تشربي؟؟..تقولك برضو ميرسي مش بشرب..كل حاجة هتقولك لاء..شكرا..ميرسي..هههههههههه

المرحلة التانية..ألذ مرحلة..خلاص اخدتو علي بعض..وبقيتو بتقولو كلام حلو..و بتتقابلو ..و بيحصل هزار وضحك..وكلام في الفون..و حب وشوق وغرام..و بقت بتاكل وتشرب..و كمان ممكن تديك بكوعها في صدرك وتقولك:قوم شوفلنا حاجة نطفحها..بدل ما انت قاعد زي قلتك كده..ههههههههههههههههههههههه

المرحلة التالتة..استلم من هنا بقي يا معلم..هما جملتين بس..يا اما هتقولك:احنا اخر اللي بينا ايه؟؟....يا اما هتقولك جاي حد يتكلم عليا..و مش عارفه اقول لاهلي ايه؟؟؟

و انت وقرارك..يا اما هتكمل وتروح لاهلها (وساعتها هيبقي موضوع تاني..ازاي البنات واهلها هيعملو فيك كذا..وده مش موضوعنا دلؤتي)..يا اما ظروفك او انت مش عايز تكمل
و ساعتها سنتك سودا...البنات بطبعها بتحب النكد شوية..و في بنات كتير بتتأثر بالمسلسلات التركي ولحظات الوداع..و الاغاني الحزينة..و بتحب تعيش التجربة دي
الله يخرب بيت المسلسلات التركي..علي نور علي مهند..عل النكد..ههههههههههه

و هتلاقيها قلت جداا في الكلام معاك..و المقابلات..و صوتها دايما حزين ومكسور..تركي بقي!!!...ولو عملت قرد علشان تفكها او تعيش معاها لحظة حلوة من اللي فات ..تبقي بتحلم..خلاص..المود اتظبط علي كده..و هتقولك حاجة(و معاها حق فيها علي فكرة)..هتقولك مش هينفع..قدر ظروفي..و انت هتلاقي نفسك مرة واحدة بعد ما اخدت عليها ضايع..مش عارف تعمل ايه..؟؟..تعرف واحدة تانية؟؟..ولا تعيش علي ذكراها؟؟..ولا تستحمل ظروفها..و تكلمها قليل جدااا..و تلاقي المود التركي في وشك..هتحتاس يعني.

المرحلة الرابعة..هي دي بقي بتاعة الشتيمة..لو سبتها..هتبقي ندل وابن كذا..و كنت بتتسلي..ولما كلمتك في الجد خلعت..حتي لو ظروفك زي الزفت و ما تنفعش تتجوز..و لو عرفت واحدة تانية..هتبقي خاين وابن كذا..و خسارة فيك اي حاجة اديتهالك..و لو استمريت معاها..هتتخنق.. و تقولك نبقي اصدقاء بس..و مش هتبقي فاهم ازاي؟؟...و بعد شوية هتبعدو عن بعض..و كله يسمع اغني حزينة..واكتر حاجة توجع لحظة الفراق..بتاعة حسين الجاسمي..و تبقو انتم الاتنين لا طايلين سما ولا ارض..ولا منكم سبتو بعض..ولا منكم مع بعض..بس يمكن الحالة الاخيرة تسيبلك ذكري حلوة عندها..بعد الفراق..و هتتوقف علي انت و طول بالك في تحملها وهي في الحالة دي..

طبعا مش معني كلامي ان كله مخلص و ان مفيش حد بيتسلي..لاء طبعا في ناس بتاعة لعب بس من الطرفين..بس انا هنا باتكلم علي العلاقات الجادة..الحب الصحيح

عرفتو بقي ازاي تخلي البنات تســــــــبك؟؟؟؟؟؟؟؟؟؟؟؟؟؟؟؟؟؟؟

حــــازم بيهدى النفوس
حــــازم بيهدى النفوس 26106712

طرح مميز ورائع
دمتٍ بهذا الابداع
ودي ,,