مش نعقل بقا ولا ايييييييه؟؟

مش نعقل بقا؟؟
=-=-=-=-=-
السلام عليكم
المتعارف عليه وإللى بنسمعه ونقوله دايماً وقت الخطوبه ان :" الشبكه دى (هدية) العريس للعروسه على حسب (ذوقه) و (تقديره) "

طب فى ظروف ارتفاع اسعار الدهب و "عبطه" الزياده وجنونه المفروط وحبه فوق
وحبه تحت....لو الخاطب مجبش شبكه او اكتفى بدبله وحتى من غير محبس كدا يبقا
معندهوش ذوق ولا بيعرف يقدر الناس إللى هيناسبهم ولا البنت إللى
هيخطبها؟؟؟

حتى لو معاه فلوس ومحبش يجيب حاجه دهب وجاب بديل،، عربيه مثلاً او شاركلها فى مشروع كدا هتقول عليه معندهوش ذوق وعملى زياده؟؟

من كام يوم واحد فاجئنى انه إدا 20.000 جنيه لخطيبته وجابلها دبله بس،، تعرفوا هى عملت ايه؟؟

لا مؤاخذه يعنى "شاركت" بيهم على "بهايم" ، آه والله
اديتهم لتاجر مواشى او فلاح باين اشترالها كام خروف على كام معزه وببقية الفلوس شارك فى بقره

والله عييييييييييييين العقل،، ناس بتفهم

الدهب حبه فوق وحبه تحت دا غير فلوس المصنعيه اللى بتروح علينا ،، يبقا نستغل فلوسنا فى حاجه نافعه وبلاها منظره

وفيها ايه حتى لو العريس مجبش خالص واكتفوا بالدبلتين؟؟ كفر؟؟ ولا بقا معندهوش ذوق ولا تقدير؟؟

ايام سيدنا محمد عليه الصلاة والسلام كانت هدية الخاطب لخطيبته "ما يحفظه
من القرآن" فإن لم يكن فبما يحفظه من "الأحاديث النبويه الشريف" وسيدنا
محمد صلى الله عليه وسلم قال إلتمس ولو خاتم من حديد
علشان كدا الجوازات كانت بتعمر وربنا بيبارك فيها ،، دلوأت بقا حَدِث ولا حرج

مش نعقل بقا ولا ايييييييه؟؟

مش نعقل بقا ولا ايييييييه؟؟ 295853_245407338828266_161581077210893_635187_2808182_s