اخطيت وآدري بعدهم صرت وحدااني !
احساسي اني خطا بعيون خلاني
خلاني اكتب قصيده واطلب ارضاهم
ما ابكي على الي قسا مره وخلاني
ابكي على الي قسا قلبي وخلاهم
احيان احس الكلام يضيع بلساني
لاجيت ادور باماكنهم ولا القاهم
اطيح وامرض واعاني حيل واعاني
لاشفت صوره ! وانا ماكنت وياهم
يزعلني البعد .. عن من غاب واضناني
هم يكتبوني وانا الي عاجز اقراهم
اخطيت ! وادري بعدهم صرت وحداني !
يكبر غلاهم .. كثر ماقلت بنساهم
شف من خذاني بعيد ووين وداني
او من على البعد عني راح وداهم
يتشرف الشعر لو هم ضمن قيفاني
واتشرف اكثر ليا من جبت طرياهم
مابي يبين بعدهم طيف حرماني
اطلبهم القرب .. وبقربي ابنخاهم
الي غلاهم تشابه مع غلا اخواني
الله لا يحرم عيوني يوم لقياهم
وان مابغوني انا والله ما ابغاني
وش قيمة العمر مادامه بلياهم
لـ انسان دايم يحس بنصه الثاني !
لاصار من قبل يحكي للحكي فاهم
ما ابي اضيع بكئابة كومة احزاني
ودي انمي علاقاتي او اساهم
واخذ من الاجر .. دافع قوة ايماني
والملم الي تبعثر واجمع اشلاهم
والي كرهني ! او انه يوم عاداني
بستسمحه وان تغلا جعله فداهم
صحيت ياخاطري وصحيت يالساني
والله يسامح قصيدي كان ماارضاهم
اخطيت وآدري بعدهم وحدااني
للشاعر خالد الكيادي ..
وهنا صوتيه
المزاج
